Міністэрства культуры Рэспублікі Беларусь ня хоча разглядаць пытаньне аб наданьні бел-чырвона-беламу сьцягу статусу гісторыка-культурнай каштоўнасьці. З адпаведным зваротам ГА БНФ зьвярнулася да Беларускай рэспубліканскай рады па пытаньні гісторыка-культурнай спадчыны пры Міністэрмтве культуры Рэспублікі Беларусь каля месяца таму назад.

У адказе зь Міністэрства культуры гаворыцца, што "зьмест прапановы Партыі БНФ дубліруе прадстаўленыя раней матэрыялы і не ўтрымлівае вынікаў новых дасьледаваньняў".

У 2008 годзе з аналягічнай прапановай у Міністэрства культуры зьвяртаўся кіраўнік камісіі Партыі БНФ па ахове гісторыка-культурніцкай спадчыны і старшыня грамадзкага аб'яднаньня "Добраахвотнае таварыства аховы помнікаў помнікаў гісторыі і культуры" Антон Астаповіч. Падчас разгляду пытаньня ў 2008 годзе было пастаноўлена "на падставе недастатковай аргумэнтацыі і дакумэнтальнай абгрунтаванасьці прапанову адхіліць".