Намесьнік старшыні менскай гарадзкой арганізацыі Партыі БНФ Вадзім Канапацкі паведаміў БелаПАН, што большасьці прадстаўнікоў партыі адмаўляюць ва ўключэньні ва ўчастковыя выбарчыя камісіі па выбарах дэпутатаў мясцовых саветаў.

Адказны сакратар Партыі БНФ, юрыст Уладзімер Лабковіч ня ўключаны ў склад участковай камісіі ў горадзе Менску. Уладзімер Лабковіч вылучаўся ад Партыі БНФ ў адну з участковых камісіяў на акрузе, дзе зьбіраецца балятавацца старшыня Партыі БНФ Аляксей Янукевіч.

Партыя БНФ вылучыла 206 сваіх прадстаўнікоў ва ўчастковыя камісіі. У Менску вылучана 68 прадстаўнікоў.

Менская гарадзкая арганізацыя Партыі БНФ вылучыла ва ўчастковыя камісіі гораду Менску 68 чалавек.

У Слоніме працягваецца ціск з боку ўладаў на каманды прэтэндэнтаў у кандыдаты ў дэпутаты ад Партыі БНФ. Як паведаміў лідэр мясцовай арганізацыі Партыі БНФ Іван Шэга, 2 сакавіка Партыя БНФ падала ў выбарчую камісію сьпіс з 26 патэнцыйных сябраў участковых камісій.

Арганізатары Дня Незалежнасьці заявілі маршрут акцыі ў Менску ад Акадэміі навук да скверу Янкі Купалы. Адпаведную заяву Партыя БНФ разам з паплечнікамі зь Беларускага Незалежніцкага блёку падаюць сёньня ў Менгарвыканкам і заклікаюць да ўдзелу ў сьвяткаваньні ўсіх дэмакратычных актывістаў. Заяўнікі падкрэсьлілі, што на плошчу Бангалёр ісьці ня маюць намеру. Сярод заяўнікаў - старшныя Партыі БНФ Аляксей Янукевіч, намесьнік лідэра Руху "За свабоду" Віктар Карняенка, сустрашныя БХД Віталь Рымашэўскі, лідэр "Маладой Беларусі" Артур Фінькевіч, лідэр "Правага альянсу" Юрась Карэтнікаў, кіраўнік Менскай гарадзкой арганізацыі Партыі БНФ Віктар Івашкевіч.

Сойм Партыі БНФ выказвае вялікую заклапочанасьць узмацненьнем ціску з боку беларускіх уладаў на прадстаўнікоў незалежных СМІ цягам апошніх некалькіх тыдняў. У канцы студзеня 2010 г. адбыўся штурм офісу незалежнага тэлеканалу БелСат, вынікам якога стала затрыманьне, суд і асуджэньне на 10 дзён журналіста тэлеканала Івана Шульгі; 17 лютага быў праведзены вобшук на працоўным месцы намесьніцы галоўнага рэдактара газэты «Народная воля» Марыны Коктыш; 27 лютага падобны вобшук адбыўся ў кватэры рэдактара «Народнай волі» Сьвятланы Калінкінай; падчас выкананьня сваіх прафэсыйных абавязкаў на мірнай акцыі памяці зьніклых паліткаў 16 лютага была затрыманая фотакарэспандэнтка незалежнай газэты “Наша Ніва” Юля Дарашкевіч.

Адбыўся сход ініцыятыўнай групы па правядзеньні рэфэрэндуму супраць увядзеньня мытаў на ўвоз легкавых аўтамабіляў. Узялі ўдзел у паседжаньні 116 зарэгістраваных сябраў ініцыятыўнай групы з усіх вабласьцей Беларусі і з гораду Менску.

Партыя БНФ шчыра віншуе гонар Беларусі на гэтых ХХI Зімовых Алімпійскіх гульняў у Ванкуверы - фрыстайліста Аляксея Грышына, які стаў лепшым у лыжнай акрабатыцы. Гэтая перамога важная ня толькі для беларускай зборнай і актыўных спартовых заўзятараў, але і для ўсіх беларусаў. Так трымаць, Аляксей!

28 лютага ў 14:00 у сядзібе Партыі БНФ (пр. Машэрава, 8) адбудзецца сход ініцыятыўнай групы па правядзеньні рэфэрэндуму супраць павышэньня мытных пошлін на ўвоз легкавых аўтамабіляў.